愛寵店- 游泳訓練第三課

8月25日

今日同佢地去第三次游水訓練喇.

因為[田園犬舍]被迫遷, 佢地要在好短時間之內搞新舖. 所以店主塈 Eric 教練唔可以再教佢地兩個游水喇, 直至十月新舖開張為止. 我同主人商量過, 決定唔可以因為咁而放棄唔游, 但就諗, 如果冇教練, 咁我地唔使過海喇. 所以今個星期就決定去試近啲的泳池, 位於西環的[愛寵店].

基於上次訓練的大驚嚇教訓, 今次我地落[愛寵店]之前, 都做咗好多資料搜集. 一來因為今次我地會同佢地一齊落水, 希望可以貼身一點照顧佢地, 令佢地有安全感啲, 二來, 都要注意一下安全的措施, 避免發生意外, 三來, 希望可以令佢地都有足夠的運動同治療效果.

我地在網上找了一些教狗狗游水的短片, 其中一個我地覺得最有用的係以下呢個VDO. 係由一個叫做 Animal Theory 的 Blogger 網頁介紹的. 片中的水療師 (Hydrotherapist) 就介紹了一頭已經不能走路的狗狗怎樣通過水療 (Hydrotherapy) 治療好腳患. 她提到落水時要注意的事項, 有什麼辦法去鼓勵狗狗, 等. 在現實中都都很有用啊!

我同主人就用VDO 介紹的方法, 首先同佢地在池邊圍圈行先, 行咗幾個圈之後, 兩個的手手都已經好有規律咁潑水喇. 雖然都仍然仲好想上岸, 但係, 佢地已經肯游咗好多喇! ^^

不過因為我同主人兩個都落咗水, 所以都冇乜影相同拍片.

但係, 綜合我地的經驗, 同佢地一齊游, 佢地信心真係大啲. 同埋當我同主人一人企一邊岸, 佢地已經可以自己向我地游過來. 所以, 今次的四十五分鐘訓練, 真係游足四十五分鐘架~ 真係好攰架!

 

好喇! 上水喇! .......... 都係好嬲我地.... >.<!!

呢個場仲有幾點我們係好喜歡的:

1. 因為主人都在水裡的關係, 所以只要你預約了, 店主就不會再安排其他人和你同場. 這樣, 你和你的狗狗就可以更專心去練習喇.

2. 這裡的救生衣的尺碼比較齊全, 思思唔會再甩救生衣喇.

3. 狗狗游完水之後, 主人可以自行幫他們沖身, 也可以請寵物店幫你沖. 費用不同.

4. 店主很好人, 很NICE. 有什麼需要/問題都可以直接問他. 他都會為你一一解答.

上文: 田園犬舍 - 游泳訓練第二課