寵物的復健治療

早前，跟大家分享過一些行動不便的寵物的照顧方法。今天想再和大家分享，其實現今社會，除了針灸、艾灸、游泳、慢行，及藥物之外，寵物復健治療也是一個很好的方法，而且市面上，也有很多專業的寵物物理治療師，可以為行動不便的寵物進行一些物理治療，幫助他們復健。

我們發現，很多時候，由於主人們因為未接觸過寵物復健治療的資訊，因而卻步。

首先，我今天想為大家分享兩段短片，是我早前上門為一位朋友的貓貓做復健治療的結果。希望增加大家對物理治療及復健治療的了解。

朋友的貓貓突然癱瘓了，看過醫生做過全面的身體檢查、X 光造影也沒有發現異樣，感覺貓貓沒有明顯的痛楚，就只是後肢突然完全沒有力量。身體其他功能都是很好的，前肢也很強壯有力。

他們向我查詢，我就試試每星期為貓貓上門做一次復健治療。以下短片，就是貓貓在一個半月後慢慢重拾後肢力量的結果。

寵物的復健治療，就跟人的一樣，需要持之以恆，也需要配合在家的適當活動及按摩。下面我有介紹一些我所知道在香港有物理治療服務的地方，大家不妨查詢一下啊~

港島區：HEAL Animal Wellness and Rehabilitation

九龍區：西九龍動物醫院-動物物理治療中心 Kowloon West Animal Hospital-Animal Physiotherapy Center

新界區：Raymond Mak Animal Physiotherapy

以上的都是我所知的一些診所資料，朋友狗狗並沒有收取任何廣告費用啊~ 如果大家有其他好的推介，都不妨告訴我，讓我可以補充一下~

如果對寵物的復健治療有任何其他查詢，都可以向我查詢啊~

👇 最後，想跟大家更新一下，我的 Facebook 面書網頁 也已經開通了 👇

朋友狗狗加油站

👆 那一邊除了會上載這邊的文章之外 👆

也會有一些軟性的、娛樂性的資訊跟大家分享

希望大家多多支持

去 "讚好" 及 "追蹤" 並加到 "喜愛" 清單，

🙏也請分享給你們的朋友啊🙏

~💕💕 多謝大家一直支持朋友狗狗啊~~💕💕 

重溫：聰聰的步行訓練 (2013年)

今日搵返呢個 post 出嚟, 係因為最近開始喺 facebook 開咗個 page, 叫做 朋友狗狗加油站。呢個 facebook page ，其實係 朋友狗狗 Blog 的延續。目的係希望利用我這十多年來從聰思桃身上獲得的經驗，帶給朋友們一些經驗分享，和心靈的慰藉。

而剛剛我喺 朋友狗狗加油站 整頓緊一 D 關於 狗狗關節炎 的題目，而今日就講到步行訓練。

大家可以先返去我 2013 年的 👉步行訓練 第一週 (2013年10月29日)👈 呢個 blog 度睇返一條片先。。。

其實，如果你的狗狗有關節毛病，就算你已經每星期帶佢去打骨針，做針灸，食關節補充劑，佢地每日的運動都係好重要的。

因為當開始出現關節毛病時，佢地腳仔的肌肉就會流失得好快，只有每日的運動可以幫到佢地 build up D 肌肉。

游水總不能每天都游的，而每天的步行十分鐘其實對佢地嚟講都已經好足夠。

我👉步行訓練 第一週 (2013年10月29日)👈 的片都有提到，喺做訓練的時候，我地切忌操之過急。

因為當佢地由行唔到，到開始想行的時候，佢地自己都會好心急，好想行得快D，好想行得多D。我地做主人的，就要幫佢地控制好個節奏，否則，行得太多太急，好容易會受傷，行完可能會更加唔舒服。就好似我地自己受傷後，唔可以立即瘋狂做運動，要慢慢嚟咁解。

我明白好多時主人都會想既然落到街，行多D啦。但係因為佢地未承受到長時間的運動時，好容易會再次受傷。

所以，我的習慣係，行完十分鐘，就俾佢地坐下，或者抱起佢地睇下風景又或者自己個人抱住佢地散下步。你會發現，佢地都好開好享受架~ 

所以當年，無論2013年的聰聰還是2018年的思思，我地幫佢地開始步行訓練的時候，我都係由每日的十分鐘、十五分鐘咁開始。

記住，係每日啊。

其實就算只是每天的十分鐘，大家慢慢一定會見到佢地的進步架。

但如果 skip 咗就算只係一日，你地又會發現，會退步返。

最後一點係，如果你地有多過一隻動物行得比較快的，最好就係唔好同患病呢隻一齊做步行訓練，因為會俾好大壓力行唔到呢隻架。😏

* * * * * * * * * *

P.S. 呢條片 👉步行訓練 第一週 (2013年10月29日)👈 我已經好多年冇睇返喇，今時今日見返當年的聰聰，見到佢係幾咁努力，我又眼濕濕喇。。。😖😖😖