"思詩妹, 媽咪在非士卜見到有人又帶啲狗出去比賽喇. 佢地對狗狗的身型血統同管教好嚴格, 要佢地做足一百分. 但係媽咪想同你講,
雖然你因為被迫繁殖生育太多而搞到身型變晒, 又因為從來都冇人鍚冇人教你家規而有公主病, 出街又冇禮貌, 媽咪都一樣咁錫你咁鍾意你,
唔介意呢啲嘢. 人地話我地乜都唔識咪乜都唔識囉. 我只要你以後開開心心就得喇~ "
----------
其實我個上面呢個 POST 係因為見到有人又賽狗, 有感而發. 跟住又醒起去訪問的時候, 在狗CAFE 發生的一啲事...
事緣狗CAFE 的攝影師 (唔係日報攝影師) 當日在我事前唔知的情況下, 突然話佢又要出嚟影. 佢一見到我兩隻狗狗, 就話佢地好得意, 又要佢地咁, 又要佢地咁.... 我同佢講, 佢地淨係識SIT 同手手, 識得在啱的地方去廁所架咋.
個CAFE 攝影師碌大對眼話,
"吓? 乜都唔識架?" ...
跟住仲用好懷疑的目光環固四周.
.... 當時我好唔開心....
!我隻狗狗唔係嚟表演架!
... 佢地嚟做 咩訪問 你知唔知呀?
... 佢地係我的家人, 唔係你的玩具. 佢地今日嚟係分享佢地的重生故事. 唔係嚟俾你消遣架!
... 佢地 前半生經歷 咗咁多嘢, 我真係唔想迫佢地學咁多嘢...
而那一個盲毛, 唔知, 又唔問, 就當佢地係玩具咁舞來舞去, 我當時真係好肉赤.... 我本來對呢間狗cafe 都好有好感的, 亦因為咁, 我好唔鍾意佢地...
其實我對聰聰同思思真係冇要求架!
養佢地從來冇諗過要佢地有咩回報,
要俾啲咩歡樂我, 要點樣揼我開心...
只希望佢地可以安享晚年....
所以, 對我嚟講,
佢地唔會咬我地的客人,
喺屋企識得去廁所,
生活美滿, 健健康康, 我就已經好滿足架喇~~
沒有留言:
發佈留言