已經有年半沒有update 這個blog了。忙些什麼呢?
其實自從2015年年中開始, 我便加入了一間診所開始實習, 半工讀去繼續我的 AIRC Certificate 2。唔做由自可, 做姑娘係真的好辛苦好攰的，但呢段時間我亦學了好多東西，知識增進了不少，自然喺照顧佢地方面就得心應手了很多。但好可惜的是, 我工作忙相對照顧佢地的時間真係少咗好多，甚至乎我一個星期會返足六個 full day，唔好話照顧啦, 見到佢地的時間都唔多。所以, 就喺我 Cert 2 完成的時間, 我就同公司申請希望可以轉返part time, 希望可以學以致用, 多D留喺屋企照顧佢地。 ^_^
其實轉返 part time 的最主要原因, 就係因為思思今年年初開始出現腦退化的症狀。之前幾個月, 曾經好差, 我同主人兩個基本上都冇乜得瞓, 大家都好 stress, 每日收工鬥快返屋企執屎, 拖地。晚晚就輪班起身陪佢行, 帶佢返入房瞓。。。 呢段時間，我四處向朋友請教，喺公司又不斷向各位醫生查詢。現在, 多了時間在家陪佢, 情況已經大致受到控制。當然, 我地都有配合好多醫生的建議, 食一D supplement。照顧腦退化狗狗最大的考驗就係日夜顛倒的生活，除了要想及狗狗的生活質素 (Quality of Life) 之外, 主人們的生活質素都好重要。我地千萬唔可以因為全心全意去照顧狗狗而令家人太辛苦太難受，中間一定有一個平衡的方法。今日, 我打算重新開始返寫 blog, 就係希望可以將我呢段時間內, 學到的, 被告知的, 自己研究到的, 關於照顧腦退化狗狗的方法, 我們試過的, 用過的, 都同大家分享。等大家唔好咁迷茫, 可以有些東西參考。
下個星期開始, 我希望每個星期可以寫到一D, 希望可以俾到大家一線曙光! ^_^
記住: 如果狗狗開始出現腦退化的症狀時, 做主子的, 千萬唔好否定呢件事的發生。只要我地抱住珍惜目前的心態, 肯開心面對同接受佢地的變化, 陪佢地走過呢段路, 我地的生活就唔會再有 miserable 的感覺~ 大家要加油啊!
沒有留言:
發佈留言