聰狗狗

我接收聰聰是2005年8月的事.

那是一次好巧合的事件. 那一天, 我去一個新相識的朋友家吃飯. 她和她丈夫都好喜歡狗狗. 因為家住村屋, 所以經常會把流浪狗接回家養. 那一天, 她的丈夫回家的途中, 在郊外的馬路上, 遇到一頭在狂風暴雨之中橫衝直撞的小狗. 因為那段日子, 香港天氣好差, 經常打風行雷. 所以他就把小狗接了上車. 再往附近的村屋續家續戶去問, 看看有沒有人走狗.

找不到主人, 他就把他帶了回家. 那一天, 就在他們的家裡, 我和聰聰第一次見面.

第二天, 朋友的丈夫就把小狗帶去西貢的 SPCA 檢查及check 晶片. 發覺他沒有晶片. 懷疑他是狗房逃走出來的. 看身世又好象流浪了很久. 因為好污糟好肚餓. 但  spca 表示如果有人接手, 他們就唔開 file. 所以我朋友就把他接了回家. 但, 他家中的七隻唐狗和一隻約瑟都不喜歡他. 整天對著小狗吠叫及惡樣. 所以我朋友就跟我說, 找找有沒有人可以收留他. 那時, 睇過幾個獸醫都話佢介乎四至八歲.

幾經輾轉, 小狗竟然落在我, 一個從來沒有養過狗亦唔識養狗的人手上. 最初唔識得打理佢, 又因為住的地方唔俾養狗, 都好呢hae. 唔敢帶佢去寵物店護理, 自己同佢剪指甲就剪到流晒血. 後來就訓練佢入袋咁就可以同佢去街同去沖涼. 但因為佢有入袋恐懼症, 每次入袋都起碼要用半個鐘... 而家已經可以好快, 唔使咁耐 lu.

最初接佢反嚟時, 佢警戒心好高. 晚上不會閉眼睡的, 好多時整晚都不肯睡. 後來我每晚用手輕輕拍他, 直至他入睡. 過了幾個星期, 見到他晚上會閉眼睡了. 再過些時間, 甚至會發開口夢了. 真的好安慰~

佢好驚行雷. 以前一行雷佢就會捐入梳化底震, 唔肯出嚟. 後來, 以後每次行雷, 如果我在家, 我就會抱住佢, 攬到佢好實好實, 等佢唔會驚. 而家佢已經唔會搵窿捐. 有思思陪佢就更加唔怕.

佢好多心理陰影. 以前應該成日俾人打. 因為我一舉起手, 佢個頭就會縮開. 到而家都係咁的.

我有時出街買餸洗衫都會帶埋佢去. 有時在街上同啲街坊傾計都會同埋佢一齊. 佢就好似我一個親人一樣.

佢學嘢好快同好生性. 我經常搬屋. 但從第二次開始. 每次入新屋, 只要帶佢去新的廁所, 指俾佢睇邊度大小便, 講一陣, 佢就會記得. 除咗發脾氣的時間之外, 都唔會周圍痾. 遇著我生病, 唔開心的時候, 佢知道的, 佢會走過來錫我. 有時, 我病得利害; 又或者唔開心哭的時候. 佢玩玩下玩具, 都會放低玩具好緊張咁走過嚟, 如果見到我好辛苦佢就會好緊張咁吠. 直至我同佢講媽媽無事喇, 佢就會靜落嚟, 然後就嚟嗲我.

四年前, 2008年的夏天, 有一晚他突然食唔到嘢. 又失咗聲. 我抱住佢成晚跑來跑去周圍去搵醫生睇. 最後, 看了幾個急診. 通宵多次的麻醉抽血留院檢查之後, 醫生話佢患了甲狀腺素缺乏症. 而家長期要食甲狀腺補充劑保持體力同身體機能的正常運作. 之後, 我都好小心, 唔會俾佢太辛苦同激動.

去年春天, 有一日, 佢突然不肯吃, 晚上就不停嘔. 佢知道我擔心. 就 lay 埋嘔. 成晚走來走去唔俾我知. 那一次, 醫生話佢得了急性胰臟炎,好嚴重. 如果過不了那一個晚上就不行了. 那一天, 把他帶進病房時, 他好不願意, 不停回頭看我. 那時, 我真的好擔心那一望會是我們最後一次的對望. 後來, 我求醫生讓我一直留在病房陪伴住佢, 幫佢打氣. 唔希望佢覺得佢有病的時候我唔理佢. 終於, 佢好堅強, 捱過了. 以極快的速度, 渡過了危險期. 一星期之後, 康復出院了.

後來, 我在網上見到可憐的思思. 我同聰聰講, 思思好可憐. 希望可以俾思思一個家, 希望佢可以接受思思. 佢都算乖, 夾狗時, 沒有好似喺街度見到其他狗狗咁惡咁吠思思. 初時在家的時候, 佢都唔係好理思思. 思思行過去的時候佢會走開. 不過而家已經差不多九個月喇, 兩個喺屋企已經相處融洽喇, 仲可以一齊瞓添... 不過係間中會爭下寵...