朋友狗狗 : 4月 2015

朋友狗狗

朋友狗狗是一名領養者。從2005前收養｢聰聰｣開始，朋友狗狗開始認識和尊重生命。多年來，從｢聰聰｣身上，2011年在繁殖場被拯救的｢思思｣身上，2014 年也是在繁殖場被拯救的｢桃桃｣身上，朋友狗狗不僅學懂了生命的意義，人生的哲學，和待人處事的態度。他們，對於朋友狗狗來說，就是有著很厚深感情，曾經共患難，共生死的良師益友。

朋友狗狗支持領養，更支持寵愛一生。反對繁殖，反對購買，及一切以生命作為買賣的行為。請以認養代替購買~

2015年4月20日星期一

大欖郊野公園 @ 99 Bus (2015年4月19日)

今日又係我地每月一次的 99 BUS 之旅。

因為好多人成日話冇車去唔到好遠的地方玩，所以有一班人以就成立了 99 BUS 這個組織，希望可以俾D狗狗跨區去遠D 的郊野公園或場地玩。其實佢地都係一班好喜歡狗的義工，平時都有正職。所以每次狗狗BUS的活動佢地都係放假抽空出來帶大家周圍去的。車資就係用來填補佢地的支出。。。

點解我地知咁多？就係因為在 99BUS未正式成立之前，即是聰聰仲行得走得之時，我地就已經支持佢地，當時，班哥哥姐姐仲好記得我地聰聰添～

至於點解我地咁中 e 搭 99 BUS？因為好似我地成日都會講市區的狗公園有什麼什麼不完善的地方，而平時在港島及離島的景點，行得到的我地都差不多去過晒喇。而且我個人又好懶，好怕轉車，所以有一架車可以一程車以平過我地一程的士$的價錢，咁車我地來回一次新界大西北，又唔使夾埋邊個邊個，呢D安排就好啱我。所以我每個月都會預留月中至月尾的週日，希望可以參加 99 BUS 的旅行。

我的目的好簡單，就係見到佢地玩得開心，希望係佢地有生之年可以跑多D草地，社交多一點。咁就不枉狗生喇。:))

2015年4月8日星期三

分享：簡易祛濕薏米水（台灣：薏仁湯）

資料來源：ArtDog

今天大清早醒来，看見melody無精打采、心想她病了……即时上網查查，看到寵物營養師蘇菁菁一篇文章，希望同大家分享……

"我們身在華南地區，天氣一到春夏就非常潮濕，有時更誇張到連家裡的牆壁都冒出水珠。我自己最怕就是這種濕漉漉的天氣，不但自己感覺到「周身唔聚財」，連身邊的毛孩都會特別容易出現因為氣候影響而導致體內濕氣積聚的症狀，例如：

　　。整天懶洋洋，不想動
　　。胃口變差或容易嘔吐
　　。痾軟便或大便成水狀
　　。小便不順／尿頻
　　。腹部（尤其腋下、下腹和其他不見光的皮膚摺位）長濕疹／紅疹
　　。皮膚痕癢
　　。眼睛／耳朵多了咖啡色／黑色，帶黏性又有異味的分泌物

當然，以上可以是許多病症的徵兆，但如果你發現如天氣一潮濕毛孩就出現以上其中一個或多個症狀，就有可能是體內太多濕氣積聚了。許多家長一到春夏就經常因以上症狀帶毛孩跑去看獸醫，但每次當藥物一吃完，症狀又回來了。這是因為西藥並不能解決根本的致病原因（當然，如果動物的症狀根本不是由濕引起，而是真正的食物中毒就另作別論）。如發現毛孩出現以上症狀，又很可能與潮濕天氣有關，我們作為家長其實可以以食療和生活習慣方面為牠們「祛濕」：

在天氣潮濕的時候，避免／減少餵食如牛肉、海鮮（特別是有殼海產類）的鮮食或飼料，因這類食物會增加體內的「濕毒」
盡量保持毛孩的居住環境乾爽，可以使用抽濕機；切勿長時間讓毛孩留在濕氣重的地方（如廚房或洗手間）
別整天將毛孩困在冷氣房；有陽光的時候，多帶毛孩出去運動（以中醫角度，適當運動能讓體內氣機運作暢順，就像一條排水管，也需要動力去讓水流動，才能順利將水排出）
可以適量讓毛孩進食有「祛濕」功效的食物

其實大家在春夏期間，可以不時自製薏米水（台灣朋友：即「薏仁湯」）給貓狗服用，有助健脾祛濕、利小便、去膿。營養方面，薏米也有豐富維生素 B 群、生物鹼、鈣、鉀和鐵質等。

濕熱的貓狗（一般體味較重、小便較黃、大便較軟又異常臭、脾氣也較差）可用普通生薏米；但體質比較虛弱並有寒濕的貓狗（小便比較清徹、甚至量多或失禁、手腳冰冷、大便稀爛但沒有惡臭），由於生薏米帶微寒，不宜單一服用，建議改用熟薏米（即炒過的薏仁）或加薑片一起煮。　

簡易祛濕薏米水（薏仁湯）

以約 250 ml 清水對 1 湯匙薏米的比例，煮滾後轉小火煮約 20 分鐘，至薏米軟身即成

~體質虛寒的貓狗／有寒濕症狀，請改用熟薏米（炒過的薏米）；如買不到，可照用生薏米但加一小片薑片同煮
~待薏米水達至微暖的溫度，就可以給貓狗服用。可以加進正餐同服，也可分開服用；想更加吸引狗狗，可加進少量蜂蜜，也可讓狗狗食用當中的薏米

小型犬／貓咪：每次 1－2 茶匙，每日 2次
中型／大型犬：每 10 kg 體重每次1－2湯匙，每日 2次

~連續服用 3－ 4 天，如情況沒好轉，請帶動物看獸醫（可請教中獸醫，因薏米水的利水功效，始終不及專門的中藥，對於情況比較嚴重的貓狗可能不夠力度）

南生圍 @ 99 Bus (2015年3月15日)

今日又有 99 Bus 帶我地 D 大鄉里市區狗狗入新界喇！

媽咪話佢咁大個女都係去過｢南生圍｣一次咋！印象之中就係有個好大的草地可以俾我地亂跑。。。而嗰度離我地屋企好遠的，冇乜的士司機會肯車我地入去架喇，就算有，都未必會截到車返過海，而且又來回車費太貴喇。。。所以嘅然 99 Bus 開咗團，｢狗一世物一世｣，點都要帶我地去見識下！

99 Bus 現在只有一架車，所以每次活動的安排係咁的：司機哥哥一早車咗一批朋友仔入去玩先，然後就回到市區車第二批。所以第一批會好早出發，第二批就中午左右。第二批去到景點的時候，第一批的朋友仔就已經玩咗幾個鐘頭，差不多係時候要走喇，於是司機哥哥就會車佢地返屋企，第二批就留喺景點玩。到第二批返晒屋企之後，司機哥哥就會回到景點再車第二批返屋企，如是者。所以，入面就唔會好似好多主人都好驚的情況，就係有幾百隻狗狗同一時間喺景點迫爆！

當日 (3月15日) 我地搭 99 Bus 的行程就係咁喇：

12:10 nn 北角渣華道遊樂場 > 12:20 nn 中環7號碼頭 > 12:30 nn 上環干諾道西保柏中心 > 1:15 pm 新元朗中心露天停車場 > 南生圍。

車程大約一個半鐘頭，我地就已經入到｢南生圍｣！跟住，我地玩到 4:00 pm，司機哥哥就入嚟車返我地返屋企。

思思唔知係咪記得搭 99 Bus 就係有得去玩呢，一上車就係咁笑，笑得好開心~

入到南生圍喇！桃子都知有好事發生喇！哈哈哈哈！

正如之前所講，今次的安排並不會有太多狗狗，所以去到草地大家都可以好開心咁聯誼。

今次，係桃桃第一次跑草地。佢好叻呀！唔會好似思思以前咁，第一次帶佢行草地，驚到唔敢郁。。。

你地睇！桃桃今次之後，仲愛上咗草地添！扒喺地度唔捨得走呀！^_^

我地好多謝 99 Bus 又帶俾我地一次美好的回憶！

四月份 99 Bus 的旅行我地已經報咗名喇！

你地報咗未呀？

-------

四月份 99 Bus 大棠旅行團，報名請到 www.99bus.org 或 inbox 佢地，詳細路線如下:

12/4 (已改期，更改後的日期請留意 99 Bus 網頁內公佈)
路線 A (10:00 am) 太子基隆街 > (10:10 am) 美孚美荔道 > (10:25 am) 荃灣街市街 > 大棠
回程 : 2:30pm

路線 B (12:00 nn) 將軍澳富康花園 > (12:10 nn) 藍田啟田道 > (12:25 nn) 觀塘裕民坊 > (12:30 nn) 牛頭角地鐵站 >(12:40 nn) 九龍灣福淘街 > 大棠
回程 : 4:30pm

19/4
路線 C (10:00 am) 旺角上海街朗豪坊 > (10:20 am) 青衣碼頭 > (10:50 am) 屯門 > 大棠
回程 : 2:15pm

路線 D (12:30 nn) 中環7號碼頭 > (12:45 nn) 北角渣華道遊樂場 > (12:55 nn) 上環干諾道西保柏中心 > 大棠
回程 : 4:15pm

26/4
路線 E (10:00 am) 紅磡家維邨 > (10:10 am) 土瓜灣唯一大廈 > (10:20 am) 九龍城沙埔道 > (10:30 am) 新蒲崗越秀廣場 > 大棠
回程 : 2:30pm
路線 F (12:30 nn) 沙田大會堂 > (12:45 nn) 大埔墟火車站 > (12:55 nn) 粉嶺火車站 > (1:05 pm) 上水龍豐花園 > 大棠
回程 : 4:30pm

2015年4月2日星期四

最近的更新 (2015年4月2日止)

2015年4月2日：長假期的前夕

2015年4月1日愚人節 ^_^

弧身走思路

聰聰思思的生活日誌

病症及治療

關於...

3月28日：桃子的第一次@數碼港

因為｢桃桃｣今天要回西環覆診，所以我們就決定今天｢一直向西｣！

早排週末試過帶他們去｢觀塘狗公園｣玩，發現｢桃桃｣好行草地的時候好開心。而之後乘 99 Bus 去｢南生圍｣，見她真的笑得好燦爛。今日，不如就和她去｢數碼港狗公園｣，讓她可以盡情地跑啦！^_^

｢桃桃｣第一次來，

看到草地已經開心得傻眼了~ ^0^

今天的陽光可是三月份內出奇地炎熱，我們因為就著下午見醫生的關係，所以中午才過來。

到達沒有多久，他們就要以水淋身降溫了。。。

好像太熱了一點，桃桃思思，我們要找樹蔭呀！

走走走，走走走，前面有好多樹蔭和長椅噃~ ^0^

走了十五分鐘左右，我們就坐下了。雖然今天有一點曬，但是，始終也是初春的三月份，海風吹呀吹的，好舒服。思思又｢中｣眼瞓了。。。:P

我們坐了一會，就去前面有樹蔭的草地跑多一會。。。

然後就回程去見醫生了。。。

見完醫生，醫生贊桃桃叻叻呀！尿尿已經冇石石，腎臟的石石又細咗好多，超聲波又靚咗好多喇繼續 Keep 住食多 D 瓜瓜飲多 D 水水，三個月後先再返去覆診喇！

今日，Mocha 媽知道我們去西環，仲同 Mocha 爸爸落嚟探思桃添呀！

Mocha 媽仲親手整咗餅餅俾佢地食添呀！

思思見到即刻 SIT SIT，什麼厭食症都沒有了！~ ^0^

溫馨提示：數碼港草地雖然有 180度無敵日落景，但是我們都建議大家早上或中午左右去。因為黃昏前有很多不負責任的主人/工人不會把狗狗的糞便拾起，很多時草地的污衊程度都是一般負責任狗主所不能接受的。夏天的時間，我們都會選擇早上十時前離開，因為烈日當空真的很曬。去的朋友，請記緊要多帶水給狗狗喝及淋身，以免中暑呀！

努力更新中！

這些日子，正在努力更新 BLOG 的內容，

將他們過去

一年 (CC) /

半年 (ToTo)

的生活點滴重新寫入BLOG，

大家要不時留意 2014-2015 的 UPDATE 啊！

可能會有新發現啊～ ^_^

2015年4月2日：長假期的前夕

晨早流流，主人你捉禾去邊呀？

2015年4月1日星期三

2015年4月1日愚人節 ^_^

今朝準備去街街前。。。
一個曵様。。。
一個古惑様。。。

全新面貌迎接｢朋友狗狗｣

想為Blog 設計一個新的backdrop，但他們三個沒有合照。

在電腦搞到頭都大埋，終於決定揀三張靚相，

SEND 返去用電話的 Apps 整。。。

經過一輪 Facebook 的好友投票後，

大家都贊成用下面呢張。

2015年4月1日開始，全新面貌迎接｢朋友狗狗｣

訂閱：文章 (Atom)

朋友狗狗

主題目 - 我的聰思桃

有關病症

Tags

2015年4月20日星期一

大欖郊野公園 @ 99 Bus (2015年4月19日)

2015年4月8日星期三

分享：簡易祛濕薏米水（台灣：薏仁湯）

南生圍 @ 99 Bus (2015年3月15日)

2015年4月2日星期四

最近的更新 (2015年4月2日止)

2015年4月2日：長假期的前夕

2015年4月1日愚人節 ^_^

全新面貌迎接｢朋友狗狗｣

桃桃：牙牙牙牙牙。。。

桃桃：從認識到愛上

3月29日：思思最愛的 HM 餅餅

3月28日：桃子的第一次@數碼港

一個月了，孩子，mama misses u...

弧身走思路

聰聰思思的生活日誌

病症及治療

關於...

3月28日：桃子的第一次@數碼港

努力更新中！

2015年4月2日：長假期的前夕

2015年4月1日星期三

2015年4月1日愚人節 ^_^

全新面貌迎接｢朋友狗狗｣

Wiki 維基搜尋